Javascript е најпопуларниот програмски јазик меѓу програмерите во третиот квартал од 2021 година

JavaScript го користат 16,4 милиони програмери ширум светот, според студијата SlashDate во која биле вклучени 19.000 енкодери од 160 земји во текот на третиот квартал од оваа година.

Во неа се следеле кои програмски јазици се користени, кои алатки, интерфејси за програмирање на апликации (API), апликации и технолошки сегменти. Се разбира, биле следени ставовите на самите програмери за тоа со што е најдобро да работат, дури и ако немаат можност да го користат на одреден проект или работно место.

Извештајот, исто така, ги следел новите технологии како 5G и Интернетот на нештата (IoT – Internet of Things), првенствено како програмерите ги користат тие нови технологии во алатките, апликациите и услугите.

Не е ни чудо што JavaScript е толку популарен јазик во таа смисла, тој се користи практично насекаде, дури и во оваа модерна доба. И затоа програмерите го учат, но и го користат.

Веднаш на второто место со 11,3 милиони програмери кои работат со него е Python. На трето место е Java, која ја користат 9,6 милиони програмери и е идеална за мобилни околини, како и за десктоп околини.

Околу 7,5 милиони програмери се свртуваат кон решенијата C / C ++, идеални и за IoT апликации. Нешто помалку, 7,3 милиони има PHP, а на 7,1 милиони е C #.

„Visual development tools“ ги користат 3,6 милиони програмери, Котлин 2,9 милиони, Свифт има 2,5 милиони од нив, Го е на два милиони, Дарт, Објектив Ц и Руби со 1,4 милиони, Руст со 1,1 милион и Луа со 800.000.