Јули продолжува со променливо време

По краткото невреме со силен дожд и грмотевици, што вчеравечер го зафати гостиварскиот регион денес имаме стабилизација и сончево небо.

Понеделнички беа измерени минимални утрински температури од 16 степени, додека дневните ќе достигнат 30. Вредноста на УВ индексот е 9. Повторна дестабилизација на времето се очекува утре, вторник за кога метеоролозите прогнозираат врнежи од дожд и грмотевици во неколку наврати во текот на денот. Сепак, тоа нема да значи заладување, туку дневните температури ќе останат високи и ќе се движат до 29 степени. Услови за краткотраен дожд проследен со грмотевици ќе има и во средата, кога температурата ќе биде од 16 до 28 степени.

Веќе во четврток не очекува разведрување и претежно сончево време, но и пад на температурата која во текот на денот ќе биде 25 степени.