Спорт
Јувентус или Реал Мадрид – вечерва ќе го знаеме новиот шампион
Екипите на Реал Мадрид и на Јувентус вечерва во Кардиф ќе се борат за трофејот од фудбалската Лига на шампиони.
Реал има шанса да стане првиот клуб кој ќе го одбрани трофејот, додека Јувентус ќе се обиде по пауза од 21 година да се искачи на европскиот фудбалски трон.
Шпанскиот клуб во својата богата со трофеи историја досега има 11 титула европски првак, додека Јувентус е со два наслова.
Италијанскиот тим покрај тоа што ја „брка“ третата титула Шампион на Европа, ќе се обиде да го повтори успехот на Интер кој е единствениот во Италија со „тројна круна“ (првенство, куп и ЛШ).
Предводени од легендарниот Џанлуиџи Буфон, Јувентус е во мисија да ја прекине „црната“ серија од шест последователни загубени финалиња. Тренерот Масимилијано Алегри е среќен што неговите избраници ќе имаат мошност да настапат на големиот спектакл.
-Да се дојде до финалето е голем успех. Финалето на Лигата на шампионите е едно, како кај Суперболот, и тогаш мора да бидеш прав човек на право место. Одушевен сум што имаме ваква шанса, изјави Алегри.
Неговиот колега од спротивниот табор, Зинедин Зидан смета дека двата тима имаат еднакви шанси за успех.
-Мечот со Јувентус е посебен за мене, бидејќи во Торино поминав голем дел од мојата кариера и многу научив за фудбалот. Сега сум во Реал Мадрид, клубот на мојот живот и ќе направам се за да дојде до трофејот. Шансите се 50:50, порача Зидан.
Изедначен е и билансот на двете екипи во досегашните нивни 18 дуели (по 8 победи и порази и две нерешени средби).
Натпреварот во Кардиф почнува вечер во стандардниот термин за ЛШ од 20 часот и 45 минути.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница