Какво време се очекува во оваа работна недела?

Во деновите од оваа работна недела следува дестабилизација на времето. Денес е понеделник, 139-от ден од годинава. Сонцето изгреа во 5 часот и 13 минути, а ќе зајде во 19 часот и 52 минути. Времето ќе биде сончево и топло со мала до умерена облачност, попладне ќе има услови за краткотраен пороен дожд и грмежи. Температурата, од утринските 16, ќе се искачи до 29-от степен.

Утре (вторник) слично време, сончево и топло со мала до умерена облачност со услови за пороен дожд и грмежи во попладневните часови. Температурите ќе се движат од 15 до 29 степени. Веќе во среда нѐ очекува променливо облачно и нестабилно време на моменти со пороен дожд, грмежи и засилен ветер и температури од 14 до 25 степени.

Во четврток времето ќе биде претежно облачно и посвежо, со повремени врнежи од дожд и засилен ветер. Утринската температура ќе се спушти до 9-от степен, а максималната дневна ќе се искачи до 19-от степен. Во петок се очекува постабилно време, односно сончево со мала до умерена облачност и температури од 9 до 23 степени.