Следуваат денови со променливо и нестабилно време

Во деновите од оваа недела се очекува променливо и нестабилно време.

Денес е понеделник, 111-от ден од годината. Сонцето изгреа во 5 часот и 47 минути, а денот ќе трае 13 часа и 36 минути. Времето ќе биде претежно облачно, а од средината на денот ќе започнат повремено пообилни врнежи од дожд проследени со засилен северен ветер и со услови за појава на грмежи. Максималната дневна температура ќе до стигне до 21-от степен.

Утре (вторник) се очекува облачно време со поинтензивни врнежи од дожд. Температурите ќе бидат нешто пониски, и ќе се движат од 6 до 13 степени.

Во среда и четврток времето ќе биде променливо облачно со врнежи од дожд, а на пвисоките места ќе има услови за врнежи од снег. Температурите ќе се движат од 3 до 10 степени во среда, односно до 13 степени во четврток.

Во петок треба да очекуваме разведрување, односно сончево време со мала до умерена облачност и температури помеѓу 4-от и 18-от степен.

Од УХМР предупредуваат на поинтензивни и пообилни врнежи од дожд во наредниве два дена, проследени со услови за појава на грмежи.