Втор ден Велигден, трет ден карантин

Православните верници денеска (понеделник, 20 април) го слават вториот ден од големиот христијански празник, посветен на Христовото Воскресение – Велигден. Празничниот ден поради вонредната состојба и 85 часовниот карантин, граѓаните ќе го поминат во домовите, во кругот на семејството. Литургиите во храмовите се одржуваат, но без присуство на верници.

И обичајот со кршење на црвени велигденски јајца годинава се прави само со домашните, за разлика од традиционално дарување и кршење со вапсани јајца на соседите, пријателите колегите.

Велигден е празник што ја слави победата на животот над смртта, ден за радост и светлина. Христовата победа над смртта е победа којашто Исус ја извојува за целокупното човештво. Честитајќи си со зборовите Христос Воскресе-Вистина Воскресе, верниците даваат потврда во христијанската вера и вечниот живот.

Велигденските празнувања траат три дена, завршуваат утре на светол или велигденски вторник. Утре во 5 наутро завршува и продолжениот викенд карантин.