Казнети превозници во Гостивар и Тетово, возеле патници во неисправни возила

На поширокото тетовско-гостиварско подрачје вчера (10 ноември) од 9 до 14 часот спроведена е акциска контрола на возила кои вршат јавен превоз на патници, во која вкупно биле откриени и санкционирани 9 прекршоци (ТЕ-5 и ГВ-4). Шест од нив се однесувале на неисправни сопирачки, две на неизвршен технички преглед и еден на неисправен уред за управување. Технички неисправните возила веднаш се исклучени од сообраќај, а на возачите изготвени им се законски предвидените поднесоци и ќе се соочат со парични глоби, извести СВР.

При контролата, исто така, санкционирани се и 5 други видови сообраќајни прекршоци.

Вчера продолжија и интензивните активности за поголем ред и безбедност со паркирањето во Тетово и особено во централното градско подрачје. Санкционирани и од „пајак-службата “ биле подигнати и транспортирани вкупно 35 непрописно, односно погрешно паркирани возила, претежно во таканаречени „двојни редови“, но и на други недозволени места. Целта на овие континуирани активности е да се озвозможи непречено и безбедно движење на сите учсници во сообраќајот, наведува полицијата.