Ќе се среди ли хаосот со паркирањето во Гостивар – За 10 дена над 130 казни

Полицијата ги продолжува активностите за поголем ред и безбедност со паркирањето во Гостивар, со зголемен интензитет. Според податоците од СВР Тетово, од први до десетти февруари изречени се вкупно 136 мерки, а кои се однесувале на непрописно односно погрешно паркирање, претежно во таканаречени двојни редови, косо паркирање и паркирање во зона на крстосници, како и на пешачки премини и други недозволени места. На сите прекршители изготвени им биле законски предвидени поднесоци.

Полициските службеници на Одделението за внатрешни работи Гостивар, во координација со „пајак-службата“ на ЈП за паркинзи и зеленило, во овој период вкупно подигнале и транспортирале 30 непрописно паркирани возила, кои го попречувале нормалното движење на другите учесници во сообраќајот, најмногу на улиците „Браќа Ѓиновски“ и „Гоце Делчев“.