КК Гостивар денеска од 19 часот го пречекува Вардар

Денеска, во вторник се игра 19-тото коло од Првата Македонска кошаркарска лига. Екипата на КК Гостивар на три натпревари пред крајот на регуларниот дел од првенството, ја има можноста со победа и математички да го осигура учеството во Супер лигата 2018/19.

За противник ја има екипата на „црвено-црните“, која пак се бори, математички да го осигура својот опстанок во лигата. Вардарци во досегашниот дел имаат само три победи, во првиот дуел сезонава во Скопје, Гостивар издвојува победа, но во последните секунди, Вардар беше во игра за добар резултат до самиот крај благодарејќи на одличната партија и постигнатите 41 поен на американецот Провел, кој ја продолжи кариерата во Грузија.

За КК Гостивар и воопшто за гостиварската публика малку не вообичаен термин за кошарка, вторник од 19 часот. Но, со оглед на тоа дека натпреварите започнуваат да се играат со забрзано темпо, ќе се игра на секои 4 дена, ќе имаме можност да уживаме во многу кошарка преку сите денови во неделата.

КК Вардар не е екипа која може да го изненади Гостивар, но дали домашните кошаркари ќе приредат нова возбудлива вечер со атрактивни потези и кошеви останува да дознаеме вечерва од 19 часот.

Влезници за натпреварот може да се најдат во Royal Garden и B&B Tobacco, како и на благајна пред почетокот на натпреварот.