КК Гостивар го шокира МЗТ Скопје 79-80

Заврши натпреварот од 2 коло во кое екипата на КК Гостивар славеше во СЦ Јане Сандански против МЗТ Скопје со резултат 79-80.

Одлично прво полувреме одиграа кошаркарите на Гостивар, успевајќи на отворањето на натпреварот да поведат 0-11, домаќините ги консолидираа редовите во последните минути на првиот период добивајќи го истиот (17-16). Гостиварци продолжија со ефикасната игра и во вторите 10 минути, целосно надигрувајќи го шампионот и внесувајќи дури 33 поени во кошот на МЗТ Скопје, на паузата се замина со +12 за „бело-сините“ 37-49.

Во вториот дел домаќините офанзивно влегоа во натпреварот успевајќи да ја преполоват разликата од полувремето, но избраниците на Малинков во тешки 10 минути ја здржаа предноста пред последниот период кој заврши (20-15). На седум минути пред крајот МЗТ Скопје стигна до израмнување 64-64. До крајот на натпреварот следуваше вистинска драма, резултатска неизвесност во која минималната предност се менуваше на двете страни. Гостиварци останаа присебни во последните секунди од натпреварот за конечни 79-80.

Корсантиа беше најефикасен на натпреварот со 19 поени и 10 скока, Маслинко постина 18, Пипкинс 17 поени, кај МЗТ Скопје најрасположен беше Крстевски со 15 поени.