fbpx
Поврзи се со нас

Спорт

КК Гостивар – КК Кожув: Прв „all in“ натпревар за гостиварци сезонава

Објавено

на

Продолжуваат кошаркарските возбудувања во Првата македонска кошаркарска лига. Викендов на програмата е редовното 19.коло во кое Кошаркарскиот клуб Гостивар денеска ја пречекува екипата на Кожув од Гевгелија.

Ова е дуел помеѓу петто и шестопласираната екипа на табелата. И на двете екипи победа во овој дуел им е повеќе од потребна, доколку сакаат мирно да го завршат редовниот дел од првенството кое има уште само 3 кола. Гевгеличани се наоѓаат веднаш над цртата која носи пласман во Суперлигата, но поради големиот број на одложени натпревари ова е само моментална состојба на табелата. Од 16 одиграни натпревари избраниците на Алек Јончески имаат скор од 7 победи и 9 порази. Во првиот дуел помеѓу овие две екипи славеше Кожув со 90-74.

КК Гостивар со последните 4 порази од 5 натпревари си ја разниша стабилната позиција која ја имаше до пред две недели. Гостиварци со 23 бодови се наоѓаат на 5. позиција со само еден бод заостанување зад второпласираната екипа на табелата, но и со само 4 бодови предност пред седмото место кое води во плеј-аут, на кое моментално се наоѓа екипата на Куманово која има и 3 натпревари помалку.

Со оглед на погоре наведената, моментална состојба во првенството, ова е прв „живот или смрт“ натпревар за КК Гостивар сезонава во кој освен победа нема место за други калкулации.

Натпреварот започнува од 17 часот, пред почетокот ќе објавиме линк на кој ќе може да се следи дуелот.

Advertisement
Advertisement
Advertisement
Advertisement

Вработувања Полог:

Advertisement

Популарно изминативе 100 дена

error: Содржината е сопственост на Gostivarpess.mk!