Вести
КК Гостивар никогаш посилен – во недела доаѓа МЗТ Скопје
Костоски, Сегариќ, Димчевски, Фурстингер, Трајковски? Или, Костоски, Ре.Димитриески, Тасоски, Ефианаи, Трајковски? Или пак, Димитриевски, Ро.Димитриески, Ре.Димитриески, Јанески, Стефаноски? Оваа проблематика, која петорка ќе извади на терен тренерот Србиноски, ја оставаме на стручњаците и скаутите на противничките екипи, тие нека му ја мислат. За публиката од Гостивар е важно дека КК Гостивар во моментов има ростер, со кој може да се гордеат.
Со доаѓањето на Ефианаи пред две недели, а посебно со Бојан Трајковски пред неколку дена, КК Гостивар сосема ја промени физономијата. Скоро секоја позиција на теренот, може да ја покријат со двајца квалитетни играчи, а на можностите за комбинирање им нема крај. Нема повеќе фаворити против „бело-сините“, оваа екипа може да игра против секој противник во лигата, на секој терен.
Натпреварот со МЗТ Скопје, во спортската сала Младост, доаѓа во вистински момент. Атрактивен противник, шесткратен шампион, второпласирана екипа на табелата, учесник во АБА2 натпреварувањето, против уште поатрактивниот КК Гостивар, што е сериозна најава за спектакл во Младост. „Штрковите“ сезонава имаат скор 11 победи и 2 порази, наспроти 8 победи и 4 порази на гостиварци.
Натпреварот се игра во недела од 17.30 часот, инсистирањето на МРТВ да пренесуваат кошарка директно од Гостивар, го префрли натпреварот во недела.
На овој натпревар за „бело-сините“ ќе дебитира најдобриот играч за 2018 година во Македонија и еден од лидерите на нашата репрезентација, Бојан Трајковски. Со самото негово доаѓање, дополнително ја покрена кошаркарската еуфорија во Гостивар, а со изјавата која искрено и гордо ја даде за Gostivarpress.mk, дефинитивно ќе ја излуди и освои гостиварската публика:
„Во моментот кога преговарав со раководствто на КК Гостивар, имав на маса уште четири други отворени понуди. Го избрав Гостивар поради публиката, поради полните трибини, поради луѓето во КК Гостивар, поради љубовта која ја има градот кон кошарката и секако предизвикот, да се бориме заедно против сите“, вели новиот центар на гостиварци, Трајковски.
(поради големиот интерес за натпреварот во недела и дополнителните контроли на влез, КК Гостивар ве замолува да пристигнете барем 15 минути порано од планираното време)
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар