КК Работнички – КК Гостивар, денес од 19 часот во СЦ Кале

Натпреварот од 15.коло помеѓу Работнички и Гостивар кој беше одложен поради ковид во редовите на „центарци“ ќе се одигра денес од 19 часот во СЦ Кале во Скопје.

Најтрофејниот кошаркарски клуб, амбициозно влезе во оваа натпреварувачка сезона, но финасиските проблеми со кои се соочи клубот резултираа со заминување на неколку кошаркари пред се на странските засилувања пред истекот на договорите, со што прво тренерот Симиќ, а сега и Михајловски се принудени да го продолжат првенството со оние играчи кои ги имаат на располагање. Ваквата ситуација резултираше и со негативна серија од 4 порази по ред за Работнички, со скор од 7 победи и 8 порази се наоѓаат во плеј-аут зоната.

КК Гостивар во овој дуел влегува пак со позитивна серија од 5 победи по ред, гостиварци се наоѓаат на 3.позиција на табелата и со победа вечерва ќе го зацврстат ова место. Во првиот натпревар помеѓу овие две екипи сезонава „бело-сините“ го декласираа Работнички во Младост 91-65.