Гостивар
Кога домот станува пекол: 40 жени во Гостивар, жртви на семејно насилство
Малтретирање, тепање, навреди…Вакво трауматично секојдневие имаат жени, коишто се жртви на семејно насилство. Оваа појава на гостиварското подрачје има длабоки корени, но за разлика од минатото кога проблемот се криел „под тепих“, во последните години се` погласно се зборува за него и жените се охрабруваат да ги пријавуваат случаите.
Според податоците од социјалните служби, од почетокот на оваа година во регионот на Гостивар регистрирани се 40-тина случаи на семејно насилство. Бројка којашто потврдува дека се работи за сериозен проблем, на кој институциите треба да делуваат координирано, насочени пред се` кон заштита на жените-жртви.
Зборувајќи за причините кои доведуваат до насилство, стручните лица наведуваат дека се различни: под влијание на пороци пороци како алкохол или дрога, љубомора, одредени психички растројства и други. Она што се посочува како најтежок проблем е несигурноста и стравот на жртвата да го напушти домот, со оглед дека повеќето од жените се на некој начин економски зависни од брачните партнери.
Македонија ја ратификуваше Истанбулската конвенција, којашто е најзначајниот меѓународен документ за борбата со семејното насилство, кон крајот на 2017-та. Сепак, се` уште не е дојдено до мултисeкторско решавање на проблемот, особено во руралните средини поради немање доволно на информации и поддршка.
Статистиката на полицијата говори дека минатата година на подрачјето на Гостивар имало 24 кривични дела поврзани со семејно насилство, во кои на жртвите им биле нанесени телесни повреди. Сите кривични дела биле заокружени со поднесување на кривични пријави против сторителите.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот