Гостивар

Која е разликата помеѓу алпинизам и планинарење?

Објавено

пред 5 години

на

06/10/2019

Од

Gostivarpress.mk

Дали ја знаете разликата помеѓу планинарењето и алпинизмот?

Алпинизмот може да го дефинираме како екстремен вид планинарење. Алпинистите истовремено се и планинари.

Разликата помеѓу планинар и алпинист е во тоа што алпинистите се искачуваат по потежок пат да стигнат до врвот. Колку е потешко искачувањето или условите се посурови, толку е поголем и успехот. Алпинизмот е збир на активности што во суштина се сведуваат на движење на недостапни и неуредени планински области и карпи само од спортски и естетски потреби. Покрај вообичаената опрема за планинарење, алпинистите користат и специјализирани јажиња, ремени, чекани, клинови и друга опрема.

Пред да станете алпинист, мора прво да членувате во некое од планинарските друштва, затоа што, како што е наведено на почетокот, секој алпинист е првенствено планинар. Пред да одлучите да станете алпинист неопходно е одреден период да учествувате класични планинарења за да ја почувствувате планинската атмосфера и престојот на планина.

Постојат летно искачување, односно на сува карпа, и зимско качување по снег. Покрај тоа, се изучуваат и вежбаат многу активности во снежни услови, како што се преживување на ниски температури, заштита од лавини, безбедност, јазологија, исхрана и прва помош. Искачувањето по таканаречените замрзнати водопади е предизвик за најхрабрите. Тоа е еден од екстремните видови на алпинизам кој бара посебна техника и опрема. За да се стекнете со називот алпинист потребно е многу време и труд. Треба да се искачат многу зимски и летни терени, потоа да се искачи леден водопад, да се спуштите со скии од над 2000 метри, да се положат одредени испити.

Сподели ја веста:

Поврзани теми:

Следнo

Победа на опозициските партии на парламентарните избори во Косово

Не пропуштај

Кога домот станува пекол: 40 жени во Гостивар, жртви на семејно насилство