Кои настани ќе ги финансира Министерството за култура преку „Нов културен бран“ во Гостивар?

Деновиве беа објавени резултатите од конкурсот за манифестацијата „Нов културен бран“ на Министерството за култура, кој беше распишан во јуни годинава. Финансиска поддршка за реализација на проекти и настани од областа на културата во Гостивар, добија десетина здруженија и уметници поединци. Повеќето се музички настани, а има и изложба, детски фестивал, курс за црно-бела фотографија и друго. Според наведеното во конкурсот, активностите треба да се спроведат до 15 октомври.

Меѓу оние на кои им се одобрени најголеми суми од Министерството за култура се Здружението Отело за организирање на Недела на културата во Гостивар, кое е поддржано со 600 илјади денари, музичарот Аднан Алиу за фолклорен концерт со 300 илјади денари и Здружението Амадеус Моцарт за организирање на Рок вечер, за што ќе добие 250 илјади денари.

Целата листа на одобрени проекти во рамки на Нов културен бран може да ја погледнете ОВДЕ