Вести
Кои се обичаите и традициите за Василица во Гостивар и гостиварско?
Трака трака василица
дај ми бабо сланиница
да наранам дечињата
да им пукнат мешињата.
Сура догодина повесели!
Ова е позната гостиварска василичарска песна. Ја пеат дечињата кои за празникот Василица, според традицијата одат со дренови гранчиња и тропаат од врата до врата. Дреновите гранчиња симболизираат здравје, како за домаќините, така и за целата година во домот и семејството да биде здрава година. Малите василичари добиваат дарови од домаќините, пари, бомбони, мандарини, чоколади…Токму поради негувањето на ваквите старински обичаи, најрадосни и највозбудени за овој празник се децата.
Селото Зубовце има карактеристична прослава на Василица. Главни се младите момчиња василичари кои маскирани шетаат по куќите, ги благословуваат и веселат домаќините од кои добиваат дарови, ракија, вино, јајца, колбаси и пари. На сред село се игра оро и маскираните василичари пеат народни македонските песни. Откако мини маскенбалот ќе го прошета целото село, се организира заеднички празничен ручек, традиционално со зубовско гравче.
Според обичаите, слично како за Бадник, за Василица семејството се собира на трпеза и се крши погача или пита со паричка. Симболиката на паричката е иста, односно се верува дека оној што ќе му падне ќе има среќна и бериќетна година.
Во црквата „Пресвета Богородица“ во Гостивар, утре наутро ќе биде отслужена литургија на Свети Василиј Велики.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар