Комбист кој возел ученици се заканувал на полицајци

Полициски службеници од станицата во Гостивар, спроведувајќи контрола, вчеравечер околу 19 часот и 30 минути на улицата „Живко Брајковски“ запреле комбе „Форд“ со гостиварски таблици, кое го управувал 35 годишен жител на Врапчиште. Во комбето превезувал ученици, а полицајците констатирале претовар.

Според информациите од Секторот за внатрешни работи, поради овој прекршок му бил изготвена соодветна пријава, но возачот, заедно со свој пријател од Врапчиште,  кој во меѓувреме телефонски го повикал, почнале да ги навредуваат и да им се закануваат на полициските службеници.

Набрзо, возачот бил приведен во Полициската станица и ќе се соочи со законски предвидените санкции, соопштуваат од СВР.