„Комуналец“ одзатнува шахти низ Гостивар, апел да не се фрла отпад во канализацијата

Од Јавното претпријатие „Комуналец“ Гостивар информираа дека изминатите денови нивни екипи работеле на чистење и одзатнување на шахти, при што наишле на разни видови отпадоци од кои се блокира канализацијата. Претпријатието со апел граѓаните да бидат посовесни и отпадот да го фрлаат на места предвидени за таа намена за да се избегнат штети и несакани последици.

„Екипите на „Комуналец“ во текот на последните неколку дена работеа на чистење и деблокирање на шахти кои се полни со разни предмети, цврст отпад што предизвика затнувања во канализационата мрежа во нашиот град. Овие случаи се предизвикани од неодговорноста на човечкиот фактор, фрлањето на разни предмети, тежок цврст отпад, што го одолжува времето на интервенции и го отежнува одзатнувањето на канализационата мрежа. Апелираме до граѓаните за зголемена грижа и свест за местата каде фрлаат отпадоци, да не фрлаат отпадок во канализационата мрежа!“, стои во соопштението на Комуналец.