Контрола во Гостивар и Тетово-Патници се возат во неисправни комбиња и автобуси

Секторот за внатрешни работи Тетово соопшти дека во рамките на континуираните контролни и други активности што ги презема за поголема сообраќајна безбедност вчера во периодот од 9 до 14 часот, на поширокото тетовско-гостиварско подрачје  спроведена е акциска контрола за техничка исправност на возилата кои вршат јавен превоз на патници, пред се на автобуси и комбиња. При контролата, откриени и санционирани се вкупно 22 неисправни возила. Од нив 17 во Тетово и 5 во Гостивар.

Најголемиот број од нив имале неисправни сопирачки, кај 2 возила била констатирана неисправност на уредите за управување, додека кај 3 возила неисправност на други уреди. Сите неисправни возила веднаш се исклучени од сообраќај, а санкционирани се и 13 други видови сообраќајни прекршоци, информира СВР Тетово.