Контроли за антикорона мерки: Откриени 16 прекршоци низ локали во Гостивар

Викендов што измина во угостителски објекти на гостиварското подрачје биле спроведени контролни активности во врска со почитувањето на мерките и одредбите врзани со заштита од коронавирус.

Полицијата во содејство со Државниот пазарен инспекторат, извршена контроли во вкупно 9 угостителски објекти и при тоа биле откриени 16 прекршоци по член 6 од владината Уредба, односно неносење на заштитна маска. Казните за физички лица се 20 евра, додека за правните казните достигнуваат 1.000 евра.

Во контроли на други јавни места и во автомобили изминатото деноноќие, според статистиката на Секторот за внатрешни работи Тетово за неносење заштитни маски во Гостивар прекршочни платни налози добиле 26 граѓани. Во истиот период на 28 лица изготвени им се нови решенија за изолација од Државниот санитарен и здравствен инспекторат. Извршени им биле контроли на ГВ-401 лицe со вакви решенија и при тоа не било утврдено непочитување на решенијата, соопшти СВР.