Крем од банана и мед против кашлица

Кашлицата е многу непријатен симптом кој сигнализира присуство на вируси или бактерии во нашето тело. Тоа е состојба која може да трае неколку дена, но и една недела или повеќе, со ризик да стане хронична.

Сирупите за кашлица често се користат за смирување на симптомите, но во некои случаи можно е да се пробаат и алтернативни или традиционални лекови направени од неколку едноставни состојки кои сите ги имаме дома.

Па така, ова е еден стар метод кои го користеле уште многу одамна, а вие може да го пробате доколку ве мачи кашлица.

Крем од банана и мед

Малкумина знаат дека бананата е ефикасен лек во лекувањето на кашлицата. Ова овошје, покрај слаткиот вкус, се цени и по хранливите и лековити својства.

Мешавина од банана и мед е уште една одлична супстанца за кашлица и болки во грлото, а може да ви помогне и при бронхитис.

И двете од овие состојки имаат моќ да ја смират иритацијата и да го снабдуваат телото со важни витамини, минерали и антиоксиданси.

Состојки:

• 2 лажички мед
• 2 зрели банани
• 400 мл врела вода

Подготовка и начин на консумирање:

Бананите излупете ги и изгмечете ги со вилушка, а потоа пирето истурете го во сад со зовриена вода и оставете да отстои 30 минути, а само на крајот додадете мед.

Откако ќе биде готова, вашата смеса може да се конзумира во доза од приближно 100 мл 4 пати на ден (подобро е да се загрее малку претходно и да не се консумира ладна од фрижидер).