Кривична против лекар од болницата во Гостивар поради сомнение за лажни ПЦР тестови

Одделението за внатрешни работи Гостивар до Основното јавно обвинителство Гостивар денеска (23 март) поднесе кривична пријава против 45 годишно лице, лекар во гостиварската болница, поради основи на сомнение дека сторил кривично дело „злоупотреба на службена положба и овластување“, казниво по член 353 од Кривичниот законик.

„Тој се сомничи дека на 7 и 9 овој месец, како лекар во гостиварската Општа болница „Ферид Мурад“ на две лица им изготвил лажни негативни „ПЦР-тестови“ и им наплатил 3000, односно 1500 денари или вкупно 4500 денари, а кои им биле потребни за патување во странство. Лицето, кое вчера (22 март) било лишено од слобода и задржано во Полициската станица Гостивар, со кривичната пријава денеска (23 март ) ќе биде однесено пред Јавен обвинител.“, информира СВР Тетово.