Кризата ја тенчи буџетската каса, Таравари вели дека Владата не дава никаква помош

Пандемијата на Ковид 19 удри по буџетот на општините. Градоначалникот на Гостивар, Арбен Таравари соопшти дека во март, гостиварската локална самоуправа бележи намалување на приходите за 71%, во однос на истиот месец минатата година.

„Само за месец март приходите во буџетот на Општина Гостивар се 71% пониски во однос на март 2019 година. Ова е огромен хендикеп за општината. Луѓето сега не инвестираат и не ги плаќаат сите обврски, па затоа се јавуваат овие проблеми. Од таа причина и ние не планираме некои поголеми проекти овој период, ќе се реализираат само поситни неопходни зафати. Искрено кажувам дека не сме добиле никаква помош од Владата. Се надевам дека идниот период ќе споделат нешто од кредитите што ги земаат од меѓународните институции во форма на заеми. Не бараме неповратни пари, туку да ни дадат пари во форма на заем со ниска каматна стапка,“ изјави Таравари.