Ловоров лист – многу покорисен отколку што знаеме

До сега кога ќе се спомнеше поимот лoворов лист се мислеше само на зачин кој го подобрува вкусот на голем број јадења. Но од сега тоа нема да биде така, бидејќи во продолжение ќе дознаеме дека лoворовите листови имаат многу поширока и поголема употреба освен само како зачин.

Лoворовите листови најмногу ги употребувале Грците и Римјаните кои покрај што ги употребувале како зачин, тие исто така овие листови ги користеле и за терапија на многу болести. За нив лoворовите листови биле симбол на мудрост и мир па затоа и многу често ги имале во своите домови одгледувани во големи саксии.

Листовите од лoворот се берат кога се потполно развиени и кожести бидејќи во спротивно во текот на сушењето ќе потемнат, додека пак бобинките од лаворот се берат кога потполно ќе бидат узреани и развиени и истите најмногу се употребуваат за добивање на лековито масло.

Свежо собраните лoворови листови се многу моќни и силни антиоксиданси кои го подобруваат имунитетот, ги чуваат очите и кожата благодарение на големиот процент на витамините Ц и А. Покрај витамини овој зачин е богат и со минерали како бакар, калиум, калциум, манган, железо, селен, цинк и магнезиум.

Време е да се запознаеме малку повеќе со лoворовите листови и да дознаеме за што и какви болести може да помогнат.

Лoворов лист за побрз раст на косата
Во 2,5 дл. не многу јак шампон се ставаат 80 капки етерично масло од мандарина и 20 капки етерично масло од лoвор. Шампонот убаво се меша и се користи за секојдневна употреба.

Лoворовите листови се одличен борец против гихт
5 ситно сечкани листови се прелеваат со 5 дл. зовриена вода, се варат 5 минути на тивок оган, се тргаат од огнот и се оставаат во поклопен сад до утрото. Сокот се цеди и се пие на секој час по 1 супена лажица. Лекот секогаш се подготвува на вечер и се пие следниот ден. Се пие само 3 дена и после се прави пауза од 6 месеци бидејќи е доста јако средство кое во потполност може да ги отстрани штетните кристали од зглобовите. Додека се пие не смее да се јаде месо и да се пие алкохол и луѓе кои страдаат од чир на желудникот не смеат да го консумираат.

Чај од лoворов лист против грип и бронхитис
3 ситни исечкани лoворови листови се ставаат во 2,5 дл. вода и се варат 10 минути. Се тргаат од оган и се оставаат да поседат уште 10 минути во поклопен сад. Потоа чајот се цеди, му се додава една лажица цеден сок од лимон и две лажици мед. Чајот се меша и се пие 2 до 3 пати во текот на денот.

Лек против реума
Во аван убаво се гмечат 20 свежи зрели бобинки од лавор и потоа се варат во 1 литар зовриена вода. Сокот се цеди преку платнена крпа и се остава да се олади. Откако убаво ќе се излади од површината со лажица се собира насобраната маснотија која ќе ја испуштат бобинките во текот на варењето и таа се меша со една лажица свинска несолена маст. Смесата добро се меша, се чува во стаклен сад и се употребува како маст која се покажа дека е многу ефикасна против реума.