Мајсторите за лајв свирка „План Г“ со настап на фестивал на виното

Гостиварскиот бенд „План Г“ денес ќе има свој настап на првото издание на  Stobilosophy, настан на кој се слави убавината на животот со сите сетила, преку музика, вино и релаксирачка атмосфера.

Гостиварци се дел од музичката програма, заедно со популарниот екс-ју бенд Црвена Јабука. „Задоволство ни е што ја имаме честа да го означиме зачетокот на овој фестивал. Во секој наш настап, даваме максимум од себе, внесуваме многу енергија и се трудиме на публиката да и` пружиме комплетно шоу, па така ќе биде и денес во комплексот на винаријата Стоби“, велат момците од План Г.

Бендот кој „растура“ на свирките во живо, летово продолжува со настапи во Гостивар, Скопје,  Охрид, Струга, Штип и други градови.