Поврзи се со нас

Живот

Милена Јовановска, поетеса: „Книгата е најдобар другар, лек за душата и психата“

Секогаш со насмевка на лицето, која се разлева и на очите, богата со позитивна енергија, убава мисла и мудар збор изговорен со смирувачки раскажувачки тон, полна со елан и во осмата деценија од животот, неуморна за нови стиховни предизвици… Вака со една реченица би ја опишале нашата соговорничка, поетесата Милена Јовановска од Гостивар, со која на големо задоволство помуабетивме за нејзината љубов кон поезијата, книгите, учествата на литературни манифестации во и надвор од земјата, добиените награди и признанија, но и животниот пат, прилагодувањето при преселбата од Белград во Гостивар, изворите на позитивноста, внуците како инспирација и вечната младост на оваа дама со светла аура…

Објавено

на

Милена Јовановска

Почетоците на пишување стихови ги има од мали нозе, уште како ученичка во основното училиште во родното Ваљево, Србија. За тоа колку и‘ значи пишаниот збор докажува и фактот што се‘ уште ја чува старата тетратката со песните што ги пишувала како дете. Педантно наредени, „навезени“ со ракопис за пример…

„Мајка ми, која инаку по потекло е од Тетово, работеше во библиотека и веројатно од таму почна мојот интерес и љубов кон книгите. Многу сакав да бидам во библиотеката, меѓу полиците со книги, ги листев, читав и точно знаев која книга на кое место е наредена, па помагав и кога некој ќе дојдеше да позајмува. Почнав да пишувам песнички кога учев во основно училиште, си ги собирав во тетратки кои си ги чувам, како спомен. Учествував и на литературни конкурси, добивав награди, пофалби и сетоа тоа ме поттикнуваше уште повеќе да пишувам и да ги засакам книгите. Средно завршив во Ваљево, по што заминав на студии по журналистика во Белград. Таму се запознав со сопругот гостиварчанец и така животот ме донесе во Гостивар, овде сум повеќе од 55 години.“, ни раскажа Милена, која својата прва збирка поезија под наслов „Побарај ме“ ја има издадено во 1996 година.

Милена Јовановска

По дебитантската, почнуваат да се редат и останатите печатени дела со поезија пишувани на македонски јазик, а „Побарај ме“ е издадена и препеана на албански. Наскоро се очекува од печат да излезе нејзината најнова деветта поетска збирка по ред.

Јовановска е особено активна со учества на поетски настани, фестивали, читања во последните неколку години. Била дел од вакви случувања во повеќе градови низ земјава, Битола, Штип, Неготино, Демир Хисар и др, како и на неколку места во Србија. За својата поезија наградувана е со дипломи, признанија, плакети, медаљи, пехари, на државно и на меѓународно ниво. На манифестација во српско Ново Милошево за посебен успех и бил врачен Пасош на поетската Република. Нејзини стихови се издадени во бројни поетски антологии. Меѓу другото член е на Друштвото на писатели Ваљево и на Српско-ирачкото друштво на писатели. Но, вели дека на сите манифестации кажува дека е од Македонија и чита песни на македонски јазик.

Милена Јовановска

„Секаде се претставувам како Милена од Гостивар, Македонија и читам поезија на македонски јазик. Сите тие поетски настани и дружења се многу убава работа на која се промовира пишаниот збор, се среќаваат многу поети кои творат со голема љубов и радост. Иако некогаш е тешко да се стигне до одредено место, град, па нема соодветен превоз или времето не е најпогодено, јас сум упорна и ја остварувам целта, љубовта кон поезијата е посилна од се. Книгата е најдобар другар и најдобар лек за дуѓата и за психата. Сакам да им порачам на сите, особено на помладите да читаат книги, секогаш што повеќе време да поминуваат со книгата во раце“, вели поетесата.

Откако добила внуци се инспирирала да пишува и поезија за деца, па дел од нејзините издадени дела се наменети за детската читателска публика. „Отсекогаш сум ги сакала децата, а внуците ми беа испирација да пишувам и детски песнички. Тие секогаш со задоволство и со љубопитство ме слушаат, сакаат да им читам, да им раскажувам, што навистина ме радува. Мора да напоменам дека и од самите деца може да се слушнат големи мудрости, кои ќе го натераат човек да се подзамисли. Децата се нашето богатство“, нагласува Милена. За збирката со поезија за деца „Волшебен свет“ добила златна плакета (прво место) од фондацијата Такец-Гордана Такец.

Во нејзините песни како мотив доминира љубовта, а според неа најважно е поезијата да биде искрена: “Често ми се случува да седам по цела ноќ и да пишувам до наутро, едноставно да не престанам да пишувам, една песна по друга. Мојата поезија е искрена и доаѓа од дното на душата, што мислам дека е најважно. Така е и во животот, кога правиш нешто со искреност, со љубов, тогаш може да почувствуваш вистинска среќа и усепх. На секоја работа треба да пристапиме со љубов и со насмевка, не со сила, ниту со мрзоволност“.

Милена Јовановска

 

Низ разговорот Јовановска се присети на интересен период од својот живот, големиот пресврт кога како млада невеста од Белград дошла да живее во Гостивар.

„Тогаш се‘ беше ново и поинакво за мене, целата средина, навиките, овдешните традиции, секојдневието. Не беше лесно да се прилагоди човек, но блиските, а потоа и пријателите многу ми помогнаа. Живеевме заедно голема фамилија во Дутлок, и паметам дека одев во паркот да играм фудбал, кошарка, што тогаш беше невообичаено едно женско да игра со машките. Во Гостивар секогаш имало убав живот и соживот, убава атмосфера и големи пријателства. Многу од нив ги стекнав кога работев како банкарски службеник во Стопанска банка, каде го минав мојот работен век“, вели поетесата која цврсто е решена да продолжи по поетскиот пат, да твори и да издава пишани дела.

За тоа колку и‘ значи пишаниот збор на Милена докажува и фактот што се‘ уште ја чува старата тетратката со песните што ги пишувала како дете. Педантно наредени, „навезени“ со ракопис за пример…

За крај ќе пренесеме дел од рецензијата напишана од Томе Арсовски и Тамара Арсовска за збирката „Лулка од виножито“ на Милена Јовановска.

„Поезијата како и секое креативно творештво е интелектуална и духовна дарба, божествена искра со која природата го обдарила единствено човекот, нагласувајќи го на најубав начин неговиот хуман лик, за разлика од сите други суштества. Базичен впечаток од поетската збирка „Лулка на виножитото“ е дека во неа се среќаваме со зрела поезија од авторката со нагласена естетска норма. Овие песни се читаат со постојано разгорување на љубопитството и со постојано нова сатисфакција дека тие се инспирирани од безгранично искрени чувства, од доживеани животни радости, таги и копнежи. Таа доследна искреност и автентичност на доживеаност стануваат квалитет што го посакува не само читателот, туку и секој автор.“    

Advertisement
Advertisement
Advertisement
Advertisement
Advertisement

ИСТРАЖУВАЧКА анкета

Гостиварпред 2 часа

На патарина Гостивар фатено лице со фалсификувана возачка

Гостиварпред 3 часа

Лишен од слобода 19 годишен гостиварец

Македонијапред 3 часа

Или државата ќе помогне или ќе се затворат капацитетите, аларм на Стопанска Комора

Гостиварпред 4 часа

Случаи на напад и закана кон полицајци во Гостивар

Гостиварпред 5 часа

Детска недела во градинките во Гостивар: Мали деца големи срца!

Македонијапред 5 часа

Од полноќ поскапуваат горивата

Гостиварпред 7 часа

Патник ограбил таксист во Гостивар ноќеска

Гостиварпред 7 часа

За непрописно престигнување во Гостивар за неколку часа казнети 42 возачи

Македонијапред 8 часа

Во октомври и ноември ќе завршат сите процеси за учебниците, вели Шаќири

Македонијапред 8 часа

Дваесет и седум години од атентатот врз претседателот Киро Глигоров

Македонијапред 10 часа

Почнува новата академска година

Гостиварпред 11 часа

Малку дожд, па стабилизација на времето следните денови

Гостиварпред 21 час

Света литургија во Гостивар во чест на Собор на сите Македонски Светии

Гостиварпред 4 дена

ВМРО ДПМНЕ Гостивар со активност по повод Светскиот ден на срцето

Гостиварпред 1 недела

Ограбена џамијата во Присојница

Гостиварпред 2 недели

Три децении јубилеј на Глигоровски: Убавина со македонски фолклор и бура од емоции во Гостивар

Гостиварпред 2 недели

Голем концерт на Владо Глигоровски во Гостивар за јубилејни 30 години музичка кариера

Гостиварпред 1 недела

Инспекции по златарниците во Гостивар, Скопје, Тетово, Кичево – Одземени над 10 кг. злато

Гостиварпред 1 недела

Се појави змија во двор на градинка во Гостивар, управата бара од институциите дополнителни проверки и мерки

Гостиварпред 4 дена

Сметката за струја на болницата во Гостивар за август е 45.536 евра-Неиздржливо е, велат од Управата

Гостиварпред 1 недела

Ресурсен центар Гостивар: Пријавување на социјално загрозени кои имаат потреба од бесплатна нега и грижа

Гостиварпред 2 недели

Гостивар повикува: Ајде на планина!..Развој на планински туризам и еко едукација на младите

Македонијапред 1 недела

Коалиција сите за правично судење: Супервештачењето за „Ласкарци“ и „Тендери“ сè уште трае

Вестипред 2 недели

Православните верници слават Раѓање на Пресвета Богородица (Мала Богородица)

Гостиварпред 2 недели

Гостиварци ќе се мотивираат повеќе да користат велосипеди

Гостиварпред 5 дена

Во Гостивар казнети 4 лица кои управувале електрични тротинети, контролите ќе продолжат

Гостиварпред 2 недели

Три децении јубилеј на Глигоровски: Убавина со македонски фолклор и бура од емоции во Гостивар

Културапред 4 недели

Со концерт на етно групата Синтезис во Гостивар почна чествувањето на Денот на независноста

Гостиварпред 2 месеци

Чествување на Преображение во Гостивар – Манастирот во Циглана срцето на прославата

Гостиварпред 2 месеци

Завршен настан од Летната школа во Гостивар – Среќни деца, задоволни ментори

Гостиварпред 2 месеци

Свеченост по повод празникот Илинден во Гостивар

Гостиварпред 3 месеци

Во Галичник ечеа македонски песни во чест на 1 век од раѓањето на Сариевски (Галерија)

Гостиварпред 3 месеци

Отворен нов маркет на МОНТЕНЕГРО во Гостивар! Голема акција на дел од понудата

Гостиварпред 4 месеци

Пазар Гостивар: Поевтинети зеленчукот и овошјето, понудата богата и примамлива

Гостиварпред 4 месеци

Весели, разиграни дечиња на приредбата „Збогум градинке“ во Гостивар

Спортпред 4 месеци

Леуново достоен домаќин на првата теренска трка со пречки: Адреналин, забава, невреме, натпреварувачки дух!

Спортпред 5 месеци

МЗТ Скопје без проблеми во празната Младост против Гостивар 72-85

Спортпред 5 месеци

Пелистер славеше во празна сала со само „пет на пет“ против КК Гостивар

Вестипред 5 месеци

Наместо спортска игра, тотален хаос на натпреварот КК Гостивар-Пелистер

Advertisement
Advertisement

Популарно изминативе 100 дена