Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 11/07/2018

Милионска сума од Швајцарија, од државата и од општината за подобра комунална инфраструктура во Гостивар

Денес во Министерството за финансии беше потпишан договор со кој општина Гостивар добива 4,6 милиони евра грант од Швајцарскиот државен секретаријат за економски прашања (СЕКО) за подобрување на водоводниот и канализациски систем. Договорот го потпишаа директорот на ЈП Комуналец, Исак Лазами, министерот за финансии Драган Тевдовски, министерот за транспорт и врски Горан Сугарески и Рене Ескеман, претставник од КфВ банка.

Освен овој грант за подобрување на водоводната и канализациона инфраструктура, општина Гостивар ќе инвестира и сопствени средства во висина од околу 680 илјади евра, ќе добие 250 илјади евра грант од КфВ банка, како и заем од Владата во износ од 1,7 милиони евра.

Со парите ќе се поставуваат нови цевководи, резервоари, зафати и санација на мрежата, а ќе се набави и опрема за откривање протекување на вода, со што ќе се намалат загубите на вода.

Оставете коментар

Вашата Емаил адреса нема да биде објавена.Задолжителните полиња се означени *

*