Министерството за култура раскина договори од 1 милион евра за проекти

Министерството за култура, во периодот од 1 септември 2020 до 31 јануари 2021 година, раскинало договори во вкупен износ од 70.776.722,00 денари, односно над 1 милион евра. Од Министерството појаснуваат дека раскинувањето е поради нереализирани проекти и неуредна финансиска документација,

„Министерството за култура, како што веќе информиравме, спроведе внатрешна ревизија. Наодите од ревизијата, по службена должност без испратени до Секторот за финансиска инспекција во јавниот сектор при Министерството за финансии, до Финансовата полиција и до ДКСК. Во согласност со усвоените заклучоци од вчерашната седница на Владата, Министерството за култура нема да ги исплаќа средствата кон другите корисници до завршување на финансиските контроли, а со цел заштита на буџетските средства. Сите информации ќе бидат познати по завршените контроли, за што подетално треба да се произнесат органите кои се повикани. Очекуваме Финансовата полиција и ДКСК во најбрз можен рок да постапат заради расчистување на евентуални злоупотреби.“, соопшти Министерството за култура.