Монтенегро маркети со донација за гостиварската болница

Во периодот кога се засилуваат мерките против ширење на коронавирусот, Монтенегро маркети ја покажува својата општествена одговорност и обезбеди донација за општата болница „Д-р Ферид Мурад“ во Гостивар. Монтенегро денес за најголемата здравствена установа во гостиварскиот регион донираше големи количини средства за хигиена, заштитни маски, перници, навлаки за кревети, средства за дезинфекција и други материјали, со вкупна вредност од околу 300.000 ден.

Од компанијата известија и дека низ маркетите секојдневно се врши темелна дезинфекција.

„Бидејќи вашето здравје и здравјето на нашите вработени ни е секогаш на прво место, во сите Монтенегро маркети секојдневно вршиме редовна дезинфекција на сите површини кои се во допир со нашите потрошувачи, вклучувајќи ги и количките и корпите за пазарување. Воедно, како дополнителна мерка за зголемување на безбедноста и спречување на ширење на вирусот, поставивме ознаки за одржување на растојание помеѓу потрошувачите во близина на фрижидерите и касите за наплата. Ве замолуваме да ги почитувате предвидените мерки со цел да се заштитите себеси и околината.“, велат од Монтенегро маркети.