Mоцарела стапчиња, едноставно супер крцкаво мезе

Крцкави однадвор, а сочни одвнатре. Похувани моцарела стапчиња се идеално предјадење, послужено со вашиот омилен домашен сос. Не се двоумете, не ви треба никаква мајсторија за да ги приготвите овие фини моцарела грицки. Уживајте!

Потребни продукти:

• 1 пакување моцарела сирење
• 1 јајце
• 100 гр брашно
• 100 гр презла

Подготовка:

1.Исечете ја моцарелата на стапчиња. Во 3 сада подгответе ја смесата за похување. Во 1 ставете брашно, во 2 јајце, во 3 презла.

2.Секое стапче моцарела извалкајте го прво во брашно, потоа во јајце, па во презла. Потоа уште еднаш во јаце и презла. (ако има делови од моцарелата кои не се добро покриени со смесата за панирање, повторете ја истата постапка, за да не ви се случи моцарелата да истече и стапчињата да останат празни)

3.Откако сите стапчиња моцарела добро ќе ги извалкате, пржете ги во загреано масло за јадење неколку минути додека не добијат златна боја.

4.Во меѓувреме можете да си го направите вашето омилено домашно сосче или да искористите готов мајонез, кечап или тартар како макало.