Мултикултура: „Снежана и седумте џуџиња“ во Гостивар на три јазици

Дваесетина основци од училиштето „Мустафа Кемал Ататурк“ во Гостивар учествуваа во мултиетничката претстава „Снежана и седумте џуџиња“. Малите актери ги одиграа добро познатите улоги на убавата Снежана, лошата кралица, ловецот, принцот и џуџињата, на истата сцена, а секој на својот мајчин јазик: македонски, албански и турски.

Овој настан е првиот од четирите кои ќе се реализираат во рамки на проектот„Рамислувај различно, почувствувај ја различноста и делувај различно“, што го спроведува Иницијативата за граѓански иницијативи (ИГИ), Гостивар.

„Целта на овој проект, кој ќе трае пет месеци е соединување на учениците од различни етнички групи, подобро разбирање и почитување на различностите“, рече Хавса Муслиу, координатор на проектот.

„Работевме под мотото „Глумиме заедно“ и сакаме да пренесеме порака дека децата треба што повеќе да се дружат, да соработуваат и да ги почитуваат различностите, како и сите ние возрасните“, изјави, Анета Филипоска, директор на претставата.

Проектот е дел од Програмата „Различноста е во мода-промоција на мултикултурализмот на локално ниво“ на Асоцијативата за демократски иницијативи, Гостивар.