Гостивар
На инфективно во Гостивар има 9 пациенти со ковид, ширењето на вирусот за сега е стабилизирано
Додека во земјава состојбата со коронавирусот периодов се влошува и бележи висок раст на новозаболени, регионот на Гостивар за сега останува стабилен. Во изминатото деноноќие во Македонија се регистрирани 83 новозаразени со коронавирус. Гостивар е без нов случај, додека тетовско има 5.
На инфективното одделение во гостиварската болница моментално се лекуваат 9 пациенти заболени од ковид, од кои еден добива кислородна поддршка.
Началникот на одделението д-р Ратко Наумоски вели дека хоспитализираните пациенти се стабилни.
„Најголемиот дел од новозаразените периодов се на домашно лекување, со лесни симптоми и кај нас на инфективното одделение се јавуваат исклучиво телефонски, за некој совет и консултација. Ние со сите пациенти сме нон стоп во контакт и задоволни сме што бројот на пациенти во потешка состојба е релативно мал на ниво на Гостивар“, информираше д-р Наумоски.
Коронавирусот изминатиот период повторно се појави во села од реканскиот крај. Медицинските служби ја следат состојбата и ги вршат потребните тестирања на населението. „Како потенцијални жаришта се јавуваат селата Жировница и Ростуше. Таму епидемиолошката служба оди и на лице место им зема бисеви на поголем број граѓани. Потоа ние ги контактираме оние чии резултати се позитивни во врска со нивната состојба.“, рече докторот.
Во денешната официјална ковид статистика евидентиран е еден починат пациент од Тетовско на 73 годишна возраст. Како оздравени се запишани 7 пациенти од Гостивар и 4 од Тетово.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот