На ниви кај Неготино-Полошко и Лешок пронајдени стебла канабис

СВР Тетово соопшти дека вчера (8 септември), околу 17 часот и 30 минути, на нива во атарот на Неготино-Полошко, во месноста „Прападиште“, полициски службеници пронашле 130 до 150 стебла „канабис“. Во полициска станица повикан е сопственикот на нивата, 56 годишник од селото, а стеблата биле подигнати за вештачење.

Исто така, вчера (8 септември) околу 9 часот, на нива покрај локалниот пат Лешок-Ратае, полициски службеници на СВР Тетово пронашле 50 стебла „канабис“. Најголемиот број од стеблата биле во нива во државна сопственост, а дел  од нив и во соседната нива на 26 годишен жител на тетовски Лешок, кој нешто подоцна бил повикан во полициска станица. Во координација со Јавен обвинител подигнати се стебла за вештачење.

Се преземаат мерки за расчистување и документирање на случаите, извести полицијата.