Над 60% од граѓаните во Македонија може само да сонуваат море

Седумдневен летен одмор останува само желба за повеќето граѓани на Македонија. Стандардот не им дозволува да летуваат, потврди истражувањето на Евростарт.

Прецизно, 65,3% од населението во земјава нема пари за да оди на одмор. Резултатите на истражувањето се неповолни и за повеќето земји од регионот. Во групата со Македонија се и Србија, Хрватска, Бугарија, Романија. Најлоша е ситуацијата во Турција со 71,4% од граѓаните за кои еднонеделен одмор е луксуз кој не можат да си го дозволат.

Од друга страна, најдобро котираат Норвешка, Шведска, Швајцарија каде околу 90% од населението има пари за летување.