Над 8.000 сообраќајни прекршоци за девет месеци во Гостивар

Секторот за внатрешни работи Тетово излезе со извештај за спроведените акциски и засилени сообраќајни контроли за првите девет месеци од годината, на гостиварското и на тетовското подрачје. Вкупно биле реализирани 700 контроли, во кои биле откриени се 20.518 различни видови прекршоци. Од нив 12.335 во Тетово и 8.183 во Гостивар.

Откриените прекршоци биле законски санкционирани со 8.478 прекршочни (Тетово-4887 и Гостивар-3591) и 12.040 мандатни платни налози ( Тетово-7448 и Гостивар-4592). На 3033 прекршители им биле впишани негативни бодови, од кои 1926 во тетовско и 1107 во гостиварско.

За констатирани прекршоци во овој период изготвени се и 9729 барања за поведување на прекршочна постпка.

„Најчести прекршоци во изминатите девет месеци, а во кои вкупно биле инволвирани 9729 сторители, се неприлагодена брзина, односно пребрзо возење, недржење страна, непочитување првенство, управување без возачка дозвола, истечена регистрација, алкохол и така натаму.“, извести полицијата.

Во периодот за кој станува збор регистрирани се 865 сообраќајни несреќи.