Надминат проблемот на „купувај домашно“ приговори може да поднесуваат и граѓаните на Општина Гостивар

По вчерашната објавата на Gostivarpress.mk и реакцијата на гостиварци дека не можат да си го остварат правото на приговор, бидејќи во делот каде требаше да се избере општина, недостигаа општините на буквата Г, меѓу кои и Гостивар. Денес во системот се додадени сите општини и проблемот е надминат.

Секој граѓанин со внесување на матичниот број може да провери дали е на списокот. Дали ве опфаќа оваа мерка може да проверите ТУКА.

Рокот за поднесување на приговори е 21.12.2020. После овој рок приговорите нема да се земат во предвид.

По 6.000 денари на сметка добиваат граѓаните со низок доход, пензионери кои имаат до 15.000 пензија, корисници на право на социјална сигурност на стари лица, млади лица од 16 до 29 години, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници.

Листите за филмските работници, естрадните уметници и самохрани родители ќе бидат објавени дополнително, информираа од Владата.