Најавуваме ново издание на „МИНУТИ ЗА СЕКОГО“ – Тема: ПЕНЗИОНЕРИ, гостинка Живка Матевска

Нашата верна публика веќе знае и очекува кон крајот на секој месец, премиера на ново издание на видео емисијата „МИНУТИ ЗА СЕКОГО“, во која даваме акцент на проблематиките што ги мачат граѓаните, особено поранливите категории. Ноемвриската емисија е веќе подготвена и премиерно ќе се емитува во понеделник (27 ноември).

Овојпат во средиштето на вниманието се луѓето од третата доба, пензионерите. Темата ја одбравме со оглед дека изминатиоет периодов се актуелни со јавното изразување незадоволство и одржување на мирни протести за повисоки пензии. Наш соговорник е гостиварката Живка Матевска, пензионерка која е дел од Иницијативниот одбор за организирање на протестите за Гостивар и гостиварскиот регион.

Разговараме како и зошто се покрена иницијативата за протестите, кои се конкретните барања на незадоволните пензионери, каков е пензионерскиот живот во Македонија, се исполнува ли малку од тоа што се очекува и обично се вели „да дочекам пензија, малку мирен, спокоен живот“, во која насока ќе се движат активностите на пензионерите понатаму итн.

Емисиите овозможуваат еднаков пристап на лицата со оштетен слух, се прикажуваат со толкување на знаковен јазик.

Премиерата во понеделник, како и сите други емисии, ќе може да ја погледнете на Јутуб каналот на Gostivarpress.mk.