Најмладите актери на Гостивар во „Чорбаџи Теодос“ – премиера утревечер

По долго време, во Гостивар повторно се поставува на сцената македонска битова драма. Драмското студио „Дунек“  вредно и посветено ја подготвуваше комедијата „Чорбаџи Теодос“ од Васил Иљоски и премиерно ќе ја изведе во утре, четврток(25-ти мај). Режијата е на Ѓорѓи Нешкоски, а улогите се во рацете на најмладите гостиварски актери. Ги посетивме на генералната проба, да ја почувствуваме и пренесеме атмосферата меѓу актерската екипа. Дечињата се целосно подготвени, максимално внесени во улогите и нетпреливо ја очекуваат премиерата. Тимот работи на последните финеси со кои ќе го зграпчи вниманието на публиката.

Меѓу децата има актери со искуство, кои веќе оствариле неколку улоги во претходните претстави на Студиото „Дунек“, но има и деца кои за прв пат ќе зачекорат на големата сцена пред публика. Сите ја делат возбудата и ветуваат многу смеење и забава за сите што ќе дојдат да ги гледаат.

„Чорбаџи Теодос“ во Гостивар ќе го донесат: Тома Стојаноски, Теодора Николоска, Слаѓана Стојаноска, Анастасио Николоски, Ристе Брчиоски, Теодора Матеска, Анастасија Јанкоска, Јана Андоноска, Јован Бубески, Филип Дојоски, Давор Ангелов, Екатерина Тримчевиќ, Наде Беловинова, Марија Анѓелкоска, Росица Матеска, Симона Ѓорѓиеска, Ана Бошкоска, Емче Филипоска и Ена Јованоска.

Преставата е подготвена во чест на празникот 24-ти Мај, Денот на св. Кирил и Методиј. Четврточната премиера во Центарот за култура АСНОМ, е закажана со почеток во 20 часот.  Во петок, во 17 часот претставата репризно ќе се игра за организирани посети од училиштата.