Научете да бидете среќни за 21 ден

Задоволството се учи како училишна лекција, а секој човек може да научи да биде среќен за 21 ден со помош на ментални вежби и позитивен став.

Нивото на серотонин, хормонот на среќа, зависи од тоа колку сме го добиле во текот на детството, покажало ирско истражување. Наследните особини и искуства од детството прават само 50% од нашиот потенцијал да бидеме среќни, а се останато зависи од нас самите.

„Луѓето можат да научат да бидат среќни или барем повесели и позадоволни. Со следните неколку златни правила и со примена на различни техники на ментални вежби, секој може да постигне чувство на исполнетост и внатрешно задоволство“, тврди професор Мартин Селигман од Универзитетот во Пенсилванија.

Професор Селигман утврдил дека е можно да се контролираат, па и сосема да се „укинат“ негативните мисли. Според науката за среќа, секој човек може да научи да биде среќен за 21 ден. Толку е потребно со помош на ментални вежби во мозокот да се создаде „патека“, која чувството на среќа го претвора во навика, а потоа уште 63 денови да се примени тоа што е научено.

Смеењето е најдобар рецепт за трајна среќа

Рецептот за среќа се состои, покрај останатото, од задолжителна дневна доза на смеење затоа што токму смеењето ги поттикнува хемиските реакции во мозокот и го отстранува стресот и напнатоста. Насмеаните луѓе се чувствуваат подобро од намуртените, но и со насмевнато лице испраќаат позитивни вибрации кои ги привлекуваат другите луѓе, поради што лесно воспоставуваат контакт и склопуваат пријателства.

Бидете љубезни кон луѓето – било да станува збор за семејството, колегите или за случајните минувачи. Ако сте љубезни кон другите, ќе ви возвратат со иста мера.

Грижата за другите усреќува

Многу е полесно да давате отколку да примете, па доколку можете, не двоумете се, туку помогнете им на оние на кои им е потребна помош. Ако усреќите само едно дете или измамите насмевка на постара личност која нема никого, ќе си помогнете и себеси, затоа што доброто дело ќе ве исполни со задоволство и чувство на среќа. Луѓето кои се грижат за другите, посреќни се од оние кои се грижат само за себе.