Вести
„Не ме ограничувај“ – порачаа децата со Даунов синдром во Гостивар
Со пораката „Не ме ограничувај“ децата со Даунов синдром, родителите, тимот од Дневниот центар во Гостивар и Црвениот крст, денес се обратија до гостиварци по повод 21 март, Светскиот ден на лицата со ова генетско нарушување.
За да се подобри квалитетот на живот на децата со Даунов синдром, родителите и здруженијата сметаат дека е потребна поголемо внимание и грижа од сите релевантни институции. Повеќе дефектолози и стручен кадар во училиштата и градинките.
“Од година на година, има подобрување, но би апелирал до локалните и државните институции да направат се` за овие деца и за сите деца со попречености. Во градинките и училиштата има потреба за дефектолози и логопеди. Тој кадар или воопшто го нема, или се во мал број“, рече Илир Адеми, претседател на Здружение на лица со Даун синдром во Гостивар.
Денешната активност со дружење и делење на информативни брошурки на градскиот плоштад во Гостивар, се спроведе во рамки на проект за подобрување на социјализацијата на лицата со посебни потреби.
„Целта е да се подигне јавната свест во локалната средина. Сакаме да порачаме дека лицата со Даун синдром може да бидат дел од нашето општиество, ако ние им помогнеме и ги вклучиме“, рече Жаклина Матеска, од Дневен центар за деца со попреченост во Гостивар
Даун синдромот е генетска состојба, нарушување на нивото на хромозомите, која предизвикува проблеми во телесниот и менталниот развој. Лицата што го имаат овој синдром може да живеат исполнет и здрав живот доколку бидат нормално вклучени и прифатени во општетсвото. Статистиките покажуваат дека просечно Дауновиот синдром се појавува на секое 1.000 раѓање.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница