Нема лабаво во Катар – Стигна и нова топка за завршницата на СП2022

Последните четири натпревари на Мундијалот во Катар ќе се играат со новата топка Хилм, украсена со бордо нијанси кои потсетуваат на знамето на земјата домаќин на Светското првенство, соопшти Меѓународната фудбалска федерација (ФИФА).

„Ал Хилм ќе биде официјална меч топка за полуфиналето, третото место и финалето“, велат од ФИФА.

Ал Хилм, што значи сон, ќе ја замени претходната топка Ал Рихл, што на арапски значи патување.

Топките на Светското првенство во Катар се полнат со безжична технологија. Топките Ал Рихла и Ал Хилм се полнат пред секој натпревар за да го напојува „срцето“ што е модерен сензор во внатрешноста на топката. Овој електронски сензор испраќа 500 сигнали во секунда до камерите на стадионите и ВАР собите за да помогне во решавањето на спорните ситуации.

Во вторник од 20 часот се игра првото полуфинале на Светското првенство, а се среќаваат Аргентина – Хрватска. Второто полуфинале е закажано за среда од 20 часот, а ќе играат Франција и Мароко.

Дуелот за третото место се игра во сабота на 17 декември, а финалето е закажано ден подоцна. Двата натпревари се играат во 16 часот.