Македонија
Несовесност – Возат автомобили со децата во скут или ги оставаат на задните седишта незаштитени
Еден од почестите прекршоци кои родителите ги прават како возачи е превезувањето на помалите деца. Полицијата потврдува дека на тетовско-гостиварското подрачје забележителна појава е поединци кои управуваат моторни возила, да ги превезуваат малите деца на совозачките или да ги оставаат сами на задните седишта.
„Претежно станува збор за деца, неретко и на возраст од неполни две-три години. Има случаи кога возачите, најмногу татковци или дедовци, ги седнуваат децата и на нивните седишта, зад воланот и ги изложуваат на непосредна опасност, при нагло запирање или евентуален судир со друго возило, сериозно да ги повредат“, потенцираат од Секторот за внатрешни работи.
Надлежните предупредуваат дека таквите појави се спротивни на Законот за безбедност на сообраќајот на патиштата и се санкционираат со соодветна пријава и глоба од 35 евра или со впишување на 15 негативни поени.
Анализите покажуваат дека во случај на судар-несреќа, кога возилото се движи со брзина од околу 50 км/ч, а 3-4 годишно дете незаштитено седи на задното седиште, ќе удри во предното седиште со силина еквивалентна како да има 400 кг, што за детето може да биде фатални. Правилно поставено детско седиште во автомобил ја намалува опасноста од смрт за 75%, а од сериозни повреди за 67%.
СВР информира дека презема бројни мерки и активности за справување со ваквите лоши и опасни навики: „Доследно ќе ги применуваме предвидените законски одредби, со цел да се овозможи безбедно превезување на малолетните деца и да се превенираат можните несакани последици, како резултат на човечка несовесност и немарност, односно сообраќајна недисциплина и некултура“.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница