Невработени и лица со попреченост на обука за слаткари во Тренинг центарот во Гостивар

Триесетина невработени лица, од кои дел се со попреченост се вклучени во стручната обука за слаткари при Тренинг центарот лоциран во првиот Мултифункционален општински центар во Гостивар. Обуката започна во мај, а идните слаткари и слаткарки веќе се во последната фаза на совладување на тајните на слаткарството и подготувањето на традиционални домашни рецепти.

„После завршувањето на теоретскиот дел и  практичната обука, невработените лица со стекнатите нови вештини ќе имаат поголеми шанси за поефикасно и поефективно вклучување на пазарот на трудот преки отворени нови можности за вработување, но и за отворање свој бизнис во туризмот или угостителството како актуелни стопански гранки.“, информираа од УНДП, едни од поддржувачите на проектот, чии претставници денес беа во посета на центарот. Обуката се спроведува како дел од иницијативата за приватно – јавно партнерство.

Мултифункционалниот Центар за социјални услуги во домот и заедницата е наменет за потребите на граѓаните од целиот Полошки регион, кој нуди грижа и нега, рехабилитација, поддршка на независно живеење, одмена на семејна грижа и други услуги наменети за лица со попречености и нивните семејства.