Носете маски – изминатите два дена во Гостивар казнети 55 граѓани

Полицијата продолжува со секојдневните контроли околу почитувањето на мерките и препораките за заштита од коронавирус. Се контролира работата на угостителските локали, спроведувањето на протоколите во други објекти во однос на дезинфекција, број на луѓе и слично, како и дали граѓаните носат заштитни маски.

Според податоците од СВР Тетово, во изминатите два дена во Гостивар за неносење маски биле казнети 55 лица. Тие треба да платат казни во висина од 20 евра. Носењето заштитни маски е задолжително и на отворен простор и во затворени простории, трговски објекти, ординации, канцеларии, банки итн.

Истиот период, Државниот санитарен и здравствен инспекторат изготвил нови решенија за изолација на 51 лице, додека контролирани биле околу 560 граѓани со вакви решенија и не биле констатирани неправилности.