Занимливости
Нов ултраотпорен бетон кој може сам да се поправи
Научници од Шпанија соопштија дека развиле нов ултраотпорен бетон којшто може и да се поправи сам од себе. Овој тип е 30 отсто потраен од конвенционалниот квалитетен бетон, што значи дека се создаваат помалку пукнатини, а и кога ќе се случи тоа, новиот бетон може сам да ги санира.
– Ова е можно главно поради мешавината компоненти што ги користиме, како што се кристални адитиви, нановлакна од алуминиум-оксид и нанокристали од целулоза, со кои материјалот сам се поправа, изјави истражувачот Педро Серна од Институтот за бетон и технологија, при Политехничкиот универзитет во Валенсија.
Новиот бетон трае и подолго од вообичаените кои траат околу 50 години. Ова е особено корисно за инфраструктури кои се подложни на посилни влијанија од животната средина, каков што е случајот со зградите близу морето или геотермалните електрани.
– Ние дизајниравме и тестиравме нови бетонски мешавини со можност за самопоправка на конструкцијата при пукање, што е вообичаена ситуација со која се соочува армирано-бетонска конструкција. Ова претставува промена во дизајнот на издржливост, во однос на активната заштита, рече Серна.
Материјалот досега се користел при изградба на шест големи пилот-објекти кои се во фаза на проценка.
– Податоците им овозможуваат на теренските стручњаци да ја проверат состојбата на структурите и, доколку е потребно, да се направат конкретни потези за да се спречи влошување на штетата со користење на најсоодветниот и најповолен метод за заштита или поправка на структурата, смета Хуан Сото, еден од научниците од Институтот.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок