Подводен музеј на копии од артефакти од цивилизацијата Ликија во Анталија

Работите на подводниот уметнички парк Ликија-Кас во Анталија се при крај, каде што ќе бидат изложени копии од историски артефакти од цивилизацијата Ликија.

Во рамките на проектот реализиран во соработка со Канцеларијата на гувернерот на округот Кас, Општина Кас и Агенцијата за развој на Западен Медитеран, историските артефакти утврдени со научни истражувања, се изработени од материјали отпорни на вода.

Вкупно 658 изгубени и заборавени ликиски артефакти, кои ќе бидат претставени на посетителите во уметничкиот парк на површина од околу 10 хектари под морето, беа внимателно спуштени во вода од нуркачите.

Артефактите што треба да се потопат се инспирирани од ликиската митологија од научна гледна точка и се избрани од изгубеното наследство од регионот.

Нагласувајќи дека проектот се грижи за екосистемот,одговорните рекоа дека мислењата на научниците кои се експерти во оваа тема се земаат предвид при производство на артефакти од материјали што не предизвикуваат загадување на морскиот свет.

Целта на проектот е да се зголеми бројот на нуркања од 80.000 на 300.000 годишно и да се прошират туристичките активности. Исто така,  да се создаде област каде посетителите кои доаѓаат во регионот со туристички бродови, можат да го набудуваат паркот и без нуркање. Артефактите поставени во регионот Лиманази ќе им понудат на посетителите пријатно набудување на длабочина од пет до 20 метри.

Меѓу делата што ќе бидат изложени под вода се столбовите на улицата во градот Патара, Посејдон и неговите коњи, химерата и легендата за Беларофорон и споменикот на Ербина (Нереида) во античкиот град Ксантос.