Вести
Нова препирка на Алијанса и ДУИ во Гостивар, овој пат за огласи за вработување
Продолжуваат политичките препирки меѓу Алијанса за Албанците и ДУИ во Гостивар. Темата, овој пат, се распишаните огласи за ангажирање на професори и педагог на определено време во гостиварското средно медицинско училиште.
Алијанса реагираше дека се кршат законите со објавување на оглас за вработување за места за кои веќе има ангажирано кадар. „Во средното медицинско училиште, директорот Агрон Алили, на 23.04.2018 објави оглас за работни места на определено време до 31.08.2018 година. Станува збор за истите работни места на кои претходно беа ангажирани професори и педагогот на училиштето, со договор од 18.01 до 31.08.2018 година. Директорот објавува конкурс без да има итна потреба или недостиг на кадри, и тоа за места за кои има ангажирани наставници. Тоа го прави како политички реваншизам, што сериозно го поткопува квалитетот на наставниот процес и правата на работникот кој е во работен однос“, наведуваат од Алијансата.
Директорот пак на медицинското училиште, Агрон Алили вели дека отворањето на огласот е согласно законските процедури. „Согласно Законот за средно образование, засновањето на работен однос на определено време без јавен оглас, не смее да трае повеќе од три месеци во текот на учебната година. Во училиштето има такви вработени кои имаат склучени договори повеќе од три месеци, што значи дека по добиена согласност од Министерството за образование, сме постапиле така како што треба. Објавен е оглас, кој трае до 1-ви мај. Секако на огласот може да си конкурираат и истите професори“, објаснува Алили.
Ова е само една од низата јавни кавги на политичките противници во Гостивар, кои особено се разгоруваат во областа на образованието откако Министерството за образование му ги одзеде ингеренциите на градоначалникот Таравари и во дел од училиштата се вратија старите директори на претходната општинска власт.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ