Ново поскапување на горивата

Регулаторната комисија за енергетика вчера доцна попладне донесе одлука за нови цени на горивата. Бензините Еуросупер БС-95 и Еуросупер БС-98 од денес поскапуваат за половина денар за литар, додека цената на Еуродизелот се зголемува за 3 денари за литар. Цената на екстра лесното масло за домаќинство ЕЛ-1 се зголемува за 13,5 денари за литар, а на мазутот останува непроменета.

Еуросупер БС-95 ќе се продава за 67,5 денари за литар, Еуросупер БС-98 за 69,5 денари за литар, дизелот и екстра лесното масло се по цена од 58 денари за литар.

Регулаторната комисија информира дека промената на Одлуката од 5 април 2021 година за највисоките малопродажни цени на нафтените деривати и горива за транспорт, е донесена согласно измените на Законот за акцизите што ги донесе Собранието.