Обука за наставниците по англиски јазик во Гостивар

Наставниците по англиски јазик од училиштата на гостиварското подрачје, денес имаа можност да се запознаат со активностите и работата на американските волонтери во образованието. Настанот го организираше Мировниот Корпус, а пред присутните наставници беше презентиран и новоотворениот повик преку кој училиштата може да аплицираат за вклучување на волонтерите во наставата по англиски јазик.

„Целта на обуката е да се презентираат различни активности и интерактивни методи во наставата по англиски јазик. Исто така и да го претставиме повикот за сите основни и средни училишта во Гостивар за вклучување на волонтери“, изјави Линдита Реџепи, програм менаџер во Мировниот корпус.

            Програмата за унапредување на наставата по англиски јазик во училиштата се реализира со поддршка на Министерството за образование.

Освен за училиштата, повикот на Мировниот корпус се однесува и за вклучување на волонтери во локалните самоуправи, невладини организации и здруженија. Рокот за пријавување на заинтересираните трае до 25 март.

Во Гостивар моментално се ангажирани тројца волонтери, во училиштата и во општината.